काठमाडौँ । सर्वोच्च अदालतका न्यायाधीशहरुको बैठक ‘फुलकोर्ट’ बस्दैछ । फुलकोर्ट दिउँसो साढे १ बजे बस्न लागेको हो । प्रधानन्यायाधीश चोलेन्द्रशमशेर राणाले आजको बैठकमा नेपाल बार एसोसियसनका पदाधिकारीलाई पनि बोलाएका छन् ।

फुलकोर्टमा प्रधानन्यायाधीश राणाले आफूविरुद्ध उठेका सबै प्रश्नको उत्तर दिने जनाएका छन् । तर, फुलकोर्ट सर्वोच्चका १४ जना न्यायाधीशहरुले बहिस्कार गर्ने बताएका छन् ।

आइतबार बसेको १४ न्यायाधीशको बैठकले प्रधानन्यायाधीशमाथि उठेका नैतिक प्रश्नको हल नहुँदासम्म फुलकोर्टमा सहभागी नहुने निर्णय गरेको थियो । प्रधानन्यायाधीश राणालाई संवैधानिक निकायदेखि मन्त्रिपरिषदमा समेत भाग खोजेको आरोप लाग्दै आएको छ ।