काठमाडौँ । सर्वोच्च अदालतमा देखिएको विवादका विरुद्ध स्वतन्त्र विद्यार्थीहरुले प्रदर्शन गरेका छन् । बिहीबार माइतीघरमा सर्वोच्च अदालतमा देखिएका समस्यालाई मध्येनजर गर्दै सर्वसाधारण नागरिकको न्यायका लागि विरोध प्रदर्शन गरेका हुन् ।

सर्वोच्च अदालतमा प्रधानन्यायाधीश चोलेन्द्र शमसेर जबरा र न्यायाधीशबीचको विवाद हुँदै आएको छ । उक्त विवादका कारणले सर्वोच्चका इजालस प्रभावित हुँदा सर्वसाधारण न्यायबाट बन्चित भएका छन् । प्रदर्शनमा विद्यार्थीहरुले इजलास बहिष्कार गरेका न्यायाधीशहरूले नियमित काममा फर्किानुपर्ने, न्यायपालिकामाथिको हस्तक्षेप बन्द गर्नुपर्ने र गुटबन्दीको अन्त्य गर्नुपर्ने माग राखेका छन् ।