काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक कारोबार हुने साताको अन्तिम दिन बिहिबार पनि उकालो लागेको छ ।

नेप्से दोहोरो अंकले उकालो लागेपनि कारोबार रकम अघिल्लो दिनको तुलनामा करिब १ अर्ब रुपैयाँले घटेको छ ।

बजार परिसुचक १३ दशमलब ४ अंकले बढेर २ हजार ७ सय ८२ दशमलब १६ अंकमा पुगेको छ । यो अघिल्लो दिनको तुलनामा शुन्य दशमलब ४७ प्रतिशतले धेरै हो ।

कारोबार भएका कूल २२२ कम्पनीको ५९ हजार १ सय ४० कारोबारबाट ५ अर्ब ३९ करोड ५२ लाख ६८ हजार ६ सय २८ रुपैयाँ बराबरको ९२ लाख ३६ हजार ६ सय १३ कित्ता शेयर किनबेच भएको स्टक एक्सचेञ्जले जनाएको छ ।

स्टक एक्सचेञ्जका अनुसार विकास बैंक, जलबिद्युत, वित्त, निर्जीवन बीमा, लघुवित्त र लगानी समुहका उपसुचकमा समेत वृद्धि भएको छ ।