काठमाडौँ । नेपाल बार एशोसिएसनमा आवद्ध कानून व्यवसायीहरु विभाजित भएका छन् । नेपाल बार एशोसिएसनको नेतृत्वमा कानून व्यवसायीहरुले सर्वोच्च अदालतमा कालोपट्टी बाँधेर आज देखि विरोध प्रर्दशन शुरु गरिरहँदा केही कानून ब्यवसायीहरुले भने बारले प्रधानन्यायाधीसको राजीनामा माग गर्ने विषय नै नभएको भन्दै प्रतिरोधात्मक विरोध प्रर्दशन गरेका छन् ।

सर्वाेच्च अदालतपरिसरमै बारका अध्यक्ष चण्डेश्वर श्रेष्ठ सहित पूर्व अध्यक्षहरु, पूर्व सभामुख दमननाथ ढंगाना देखि वामपन्थी नेता कमल कोइरालासम्म बाररको आन्दोलनमा सहभागी भईरहदाँ बार परिसरमै केही कानून व्यवसायीहरुले भने बारको प्रर्दशन गलत भएको भन्दै अर्काे प्रर्दशन गरेका छन् । प्रधानन्यायाधीसको राजीनामा माग गर्ने कानुन व्यवसायीहरुले कालो पट्टी वाँधेर विरोध प्रर्दशन गरेका छन् । तर बारको आन्दोलनप्रति बिमति जनाउँदै बारले राजीनामा माग्दैमा प्रधानन्यायाधीसले राजीनामा दिनु नहुने भन्दै कानुन ब्यवसायी स्वागत नेपाल, बार प्राङणमै दुई दिन अगाडी कुस्ती खेलेका भुमिनन्द चुडाल लगायत ५ जना कानुन ब्यवसायीले भने हातमा सेतो पट्टी वाँधेर एन्टी विरोध प्रर्दशन गरेका छन् ।

प्रधानन्यायाधिशको पक्षमा प्रदर्शन गर्ने कानून व्यवसायीहरुले सर्वोच्च अदालतमा इजलास सञ्चालन हुनु पर्ने, बन्दी प्रत्यक्षीकरणको मुद्दा हेर्नुपर्ने माग राखेका छन् । यस्तै उनीहरुले सर्वसाधारणलाई कानूनी सेवाबाट बन्चित गर्न नहुने बताएका छन् ।