काठमाडौँ । उपराष्ट्रपति नन्दबहादुर पुनले भाइ टीकाका अवसरमा बहिनीसँग यस वर्षको भाइ टीका ग्रहण गरेका छन् ।

लैनचौरस्थित उपराष्ट्रपति निवासमा आज बिहन ११ बजेर २ मिनेटको शुभ साइतमा उनले बहिनीहरुबाट टीका ग्रहण गरेको उपराष्ट्रपतिका प्रेस संयोजक मनोज घर्ती मगरले जानकारी दिए ।

टीका लगाइदिएपछि बहिनीहरूले उपराष्ट्रपति पुनलाई मखमलीको माला लगाई कटुस, ओखर र मिठाई खुवाएका थिए । सो अवसरमा उपराष्ट्रपति पुनले दिदीबहिनीलाई टीका लगाइदिएर दक्षिणा प्रदान गरेका थिए ।