काठमाडौँ । अमेरिकाको टेक्सास राज्यमा सञ्चालन भएको एक म्युजिक फेस्टिवलमा भागदौड हुँदा ८ जनाको मृत्यु भएको छ । घटनामा करिब ३ सय जना घाइते भएका छन् ।

ह्युस्टन फायर चिफ स्यामुअल पेनाका अनुसार घटना रात करिब ९ बजे भएको हो । जब र्यापर ट्रैविस स्काट परफर्म गरिरहेका थिए । टेक्सासमा यो फेस्टिवल सन् २०१९ देखि सुरू भएको हो ।

घटनामा घाइते भएकाहरूमध्ये २३ जना अस्पतालमा भर्ना भएका छन् । उनीहरूमा ११ जनाको अवस्था गम्भिर रहेको पेनाले बताएका छन् । ह्युस्टन प्रहरीले भिडियो फुटेज हेरेर घटनाको कारणबारे अनुसन्धान गरिरहेको छ ।