काठमाडौँ । दार्चुलाको कालापानी, लिपुलेक र लिम्पियाधुरा क्षेत्रमा जनगणना हुने भएको छ । तथ्याङ विभागले बुधबार पत्रकार सम्मलेन गरेर सो क्षेत्रमा जनगणना हुने बताएको हो । राष्ट्रिय जनगणना– २०७८ बिहीबार दखि सुरु हुँदैछ ।

उक्त क्षेत्रमा जनगणनाको लागि भारतसँग कूटनीतिक पहल भइरहेको तथ्याङ विभागका महानिर्देशक नेविनलाल श्रेष्ठले बताए । गणकहरुको उपस्थितिमा कालापानी, लिपुलेक र लिम्पियाधुरा क्षेत्रमा जनगणना गर्न परराष्ट्र मन्त्रालयमार्फत भारतसँग समन्वय भइरहेको उनले बताए ।

भारतले अनुमति दिएमा गणकहरुको भौतिक उपस्थितिमै जनगणना गरिने विभागले जनाएको छ । १५ दिनभित्र भारतबाट जवाफ नआएमा अनुमानका आधारितमा जनगणना गर्ने विभागले बताएको छ ।