काठमाडौँ । उपराष्ट्रपति नन्दबहादुर पुन ‘पासाङ’ले राष्ट्रिय जनगणनामा सहभागी भइ सफल बनाउन आग्रह गरेका छन् । बाह्रौँ राष्ट्रिय जनगणना–२०७८ का अवसरमा शुभकामना दिदै उनले जनगणनामा सक्रिय सहभागी हुन र राष्ट्रिय अभियानलाई सफल बनाउन आग्रह गरेका हुन् ।

उनले जनगणनाका लागि घरमा आउने गणकहरुलाई आफ्नो सत्य तथ्य विवरण उपलब्ध गराई सहयोग गर्न अपील गरेका छन् । साथै राष्ट्रिय जनगणनामा प्रत्येक नेपालीले दिने व्यक्तिगत विवरणलाई जस्ताको त्यस्तै उल्लेख गरी यथार्थ विवरण संकलन गर्न गणकहरुलाई उनले आग्रह गरेका छन् । बाह्रौँ राष्ट्रिय जनगणना–२०७८ आजबाट सुरु हुँदैछ ।

नेपालमा जनगणना सुरु भएको शताब्दी बढी भइसके पनि संघीय लोकतान्त्रिक गणतन्त्र नेपालको नयाँ संविधान जारी भएपछिको पहिलो जनगणना हो ।