काठमाडौँ । प्रधानन्यायाधीश चोलेन्द्रशमसेर जबरा सर्वोच्च अदालतभित्र प्रवेश गरेका छन् । नेपाल बारको आन्दोलनलाई छलेर प्रधानन्यायाधीश जबरा सर्वोच्च प्रवेश गरेका हुन् । जबरा कडा सुरक्षा घेराबीच दोस्रो गेटबाट अदालत गएका हुन् ।

जबरालाई सर्वोच्च प्रवेशमा रोक लगाउने भन्दै बारका कानुन व्यवसायीहरु सर्वोच्चको मूल गेट बाहिर प्रदर्शन गरिरहेका छन । तर, प्रधानन्यायाधीशलाई सर्वोच्च प्रवेशमा रोक्ने उनीहरुको प्रयास असफल भएको छ । जबरा सर्वोच्चमा प्रधानन्यायाधीश प्रवेश गर्ने द्वारबाट भित्र आएका हुन् । वकिलहरु सर्वोच्चको मुल गेटबाहिर प्रधानन्यायाधीशविरुद्ध नाराबाजी गरिरहेका छन् ।