काठमाडौं । नेकपा (एमाले)ले आज देशभर एकैसाथ महाधिवेशन प्रतिनिधी चयन गदैछ । चितवनमा हुन गइरहेको १० औं महाधिवेशनका लागि एमालेले आज देशभर एकैसाथ महाधिवेशन प्रतिनिधी चयन गर्न लागेको हो ।

एमालेको १० औं महाधिवेशन मंसिर १० देखि १२ बजेसम्म चितवनमा आयोजना हुँदैछ ।

देशभरवाट महाधिवेशनका लागि १ हजार ९ सय ९९ प्रतिनिधि सहभागी हुने गरी कहाँबाट कति प्रतिनिधी कसरी छनौट गर्ने भन्ने मापदण्ड पनि बनाएर पार्टी पंक्तिमा पठाएको थियो ।

शुक्रवार बाट नै कितपय स्थानबाट महाधिवेशन प्रतिनिधी छनौट गर्न एमालेले थालिसकेको थियो । आज छनौट भएका महाधिवेशन प्रतिनिधीको नामावली सम्वन्धित जिल्लाले कात्तिक ३० गतेभित्र केन्द्रमा पठाईसक्नुपर्ने बताएको छ ।

उच्च समझदारीमा प्रतिनिधी छनौट गर्न ओलीको आग्रह

देशभर एकैसाथ महाधिवेशन प्रतिनिधी छनौट गर्ने काममा लागेको एमालेले उच्च समझदारीका साथ महाधिवेशन प्रतिनिधी चयन गर्न आग्रह गरेको छ । पार्टी अध्यक्ष केपी शर्मा ओलीले शुक्रवार साँझ भिडियो सन्देश जारी गर्दै लोकतन्त्रको उच्चतम विधि प्रतिस्पर्धा मात्रै नभई उच्च समझदारीसमेत भएकोले समझदारीका साथमा प्रतिनिधी चयन गर्न आग्रह गरेका छन् ।

‘चितवनमा आयोजना हुन गइरहेको दशौं राष्ट्रिय महाधिवेशनका लागि भोलि कात्तिक २७ गते देशैभर एकै दिन १९९९ भन्दा बढी प्रतिनिधिहरुको चयन हुँदैछ । हाम्रो पार्टी एउटा लोकतान्त्रिक पार्टी हो । हामी लोकतन्त्रलाई प्रणालीकोरूपमा मात्रै होइन प्रक्रिया र पद्धतिकारूपमा पनि बुझ्दछौं।’ ओलीले सन्देशमा भनेका छन् – ‘दलहरूका बीचमा प्रतिस्पर्धा हुन्छ र त्यो स्वस्थ हुनुपर्छ । दलभित्र आपसी समझदारी सुदृढ एकताको आधार हो । तसर्थ म सम्पूर्ण पार्टी सदस्यहरुलाई उच्च समझदारीका साथ आसन्न दशौं राष्ट्रिय महाधिवेशनका लागि आ–आफ्ना प्रतिनिधि छनौट गर्न हार्दिक आव्हान गर्दछु।’