काठमाडौँ । प्रधानन्यायाधीश चोलेन्द्र शमशेर राणाको राजीनामा माग गर्दै आन्दोलनरत कानून व्यवसायीले सर्वोच्च अदालत परिसरमा धर्ना सुरु गरेका छन् । शुक्रबार गेटबाहिर धर्ना गरेका उनीहरू आज अदालत परिसरको मूल गेटमै धर्ना दिएका हुन् ।

उनीहरू अहिले सर्वोच्च अदालत परिसरभित्र मूल गेटमा धर्नामा धर्ना बसेका छन् । प्रधानन्यायाधीश जाने आउने एक नम्बरको गेटमा भने प्रहरीले धर्ना बस्न दिएका छैनन् ।

प्रधानन्यायाधीश जबराका समर्थकहरू भने बाहिरबाट प्रदर्शन गरिरहेका छन् ।