काठमाडौं । कांग्रेसले सातै प्रदेशमा महाधिवेशन संयोजक समन्वय समिति तोकेको छ ।

प्रतिनिधिलाई व्यवस्थापन गर्नका लागि सातै प्रदेशमा समन्वय समिति संयोजक तोकिएको हो ।

कांग्रेसले प्रदेश १ मा कृष्णप्रसाद सिटौलालाई तोकिएको छ भने प्रदेश २ मा रमेश रिजाल संयोजक तोकिएका छन् ।

यस्तै, बाग्मति प्रदेशमा प्रकाशमान सिंह, गण्डकी प्रदेशमा गोपालमान श्रेष्ठ, लुम्बिनी प्रदेशमा बालकृष्ण खाण, कर्णाली प्रदेशमा जीवन बहादुर शाही र सुदूरपश्चिम प्रदेशमा दिलेन्दप्रसाद बडुलाई समन्वय समिति संयोजक तोकिएको नेपाली कांग्रेसका नेता गगन थापाले जानकारी दिए ।

यस्तै, १४ औं महाधिवेशनको भोजन तथा आवास व्यवस्थापन समितिको संयोजक भने सुरेन्द्र पाण्डेलाई तोकिएको छ ।