काठमाडौँ । प्रधानन्यायाधीश चोलेन्द्र शमशेर राणाको राजीनामा माग गर्दै बन्दीबाहेकका इजलास बहिष्कार गरेका पाँच न्यायाधीशले अन्य सहकर्मीसँग छलफलमा नबस्ने भएका छन् । उनीहरू भोलिदेखि काममा फर्किने भएका छन् ।

सर्वोच्चका १९ न्यायाधीशमध्ये तेजबहादुर केसी, बमकुमार श्रेष्ठ, कुमार रेग्मी, मनोज शर्मा र कुमार चुडालले भोलिदेखि नियमित काममा फर्किने भएका हुन् । उनीहरूले गोला प्रथा लागु भए काममा फर्किने धारणा राखेका हुन् ।

भोलिदेखि नियमित काममा फर्किने पाँचमध्येका एक न्यायाधीशले आफूहरू फुर्लकोटको बैठकबाहेकका छलफलमा नबस्ने बताए ।