काठमाडौँ । दुई दशक लामो युद्धमा अमेरिकालाई पराजीत गरेको अफगानिस्तानको तालिवान समूहले राजधानी काबुलमा परेड खेलेर शक्ति प्रदर्शन गरेको छ । तालिवानले अमेरिकी सेनाले छाडेको गाडी र रूसी हेलिकोप्टरको साथमा शक्ति प्रदर्शन गरेको हो ।

परेडमा तालिवानले एक विद्रोही समूह कसरी देशको स्थायी सेनामा बदलियो भन्ने सन्देश दिन खोजेको देखिन्छ । गत अगष्टमा अमेरिकी सेना फिर्ता हुँदा धेरै मात्रामा हात हतियार अफगानिस्तानमा नै छाडेर गएका थिए ।

अफगानिस्तानका रक्षा मन्त्रालयका प्रवक्ता इनायतुल्लाह ख्वारजमीका अनुसार परेडमा दुई ५० जना नयाँ प्रशिक्षित सैनिकको स्नातकको पढाईसँग सम्बन्धित रहेको छ ।

परेडमा अमेरिकामा निर्माण भएको एमवानवानसेभेन बख्तरबन्द सुरक्षा गाडीहरू समावेश गरिएको थियो । तालिबानी लडाकुको हातमा एमफोर असल्ट राइफल्स रहेका थिए । साथै आकाशमा एमआई सेभेन्टिन हेलिकोप्टर उडिरहेको थियो ।

१५ वर्षमा २८ अर्ब डलरको हतियार आयात

स्पेशल इन्स्पेक्टर जनरल फर अफगानिस्तान रिकन्स्ट्रक्शनको रिपोर्टअनुसार सन् २००२ देखि २०१७ सम्म अमेरिकी सरकारले अफगान सरकारलाई २८ अर्ब डलर बराबरको हात हतियार दिएको छ ।

यसैबीच अमेरिकी सेनाले अफगानिस्तान छोड्ने क्रममा केही हतियारयुक्त विमान छाडेर गएका थिए । साथै अमेरिकी सेनाले करिब ७० वटा विमान नष्ट गरिदिएका थिए । एजेन्सी