काठमाडौँ । नेपाली कांग्रेसको १४ औँ महाधिवेशनमा काठमाडौँ क्षेत्र नम्बर ५ बाट युवानेता तथा महासमिति सदस्य श्याम खड्काले उम्मेदवारी दिने भएका छन् । उनले क्षेत्र नं ५ को क्षेत्रीय सभापतिका उम्मेदवारी प्रस्तुत गरेका हुन् ।

बुधबार खड्काले आफ्नो क्षेत्रका नेता तथा कार्यकर्तालाई बोलाएर चियापान तथा भेटघाट कार्यक्रम आयोजना गरेका थिए । नेता कार्यकर्ताको व्यापक सहभागितामा सम्पन्न उक्त कार्यक्रममा सहभागीले उनलाई साथ, सहयोग र समर्थन गर्ने बताएका थिए ।

कांग्रेसको बलियो गढ मानिदै आएको काठमाडौँ क्षेत्र नं ५ पछिल्लो समय सांगठानिक हिसाबले क्षतविक्षत हुँन लागेको भन्दै खड्काले उम्मेदवारी दिने बताए । कार्यक्रममा उनले आफ्नो पक्षमा मत आउने विश्वास व्यक्त गरे ।

कांग्रेसको १४ औँ महाधिवेशन आगामी मंसिर २४ देखि २६ गतेसम्म काठमाडौँमा हुने भएको छ ।