काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपाका महासचिव नेत्र विक्रम चन्द ‘विप्लव’बीच भेट वार्ता भएको छ । दुई पार्टीको एकीकरण हुने चर्चा चलिरहेका बेला दुई नेताबीच भेट वार्ता भएको हो ।

नेकपाका महासचिव विप्लव शनिबार बिहान प्रचण्ड निवास खुमलटार पुगेका हुन् । प्रचण्डको निजी स्रोतका अनुसार विप्लव र प्रचण्डबीच मुलुकको वर्तमान जटिल राजनीतिक अवस्थालाई निकास दिने गरि छलफल भएको हो ।

भेटमा एकता पहल गरिरहेका माओवादी केन्द्रले जनाएको छ ।