नेपालगञ्ज । युवा तथा खेलकुद मन्त्री महेश्वरजंग गहतराजले कोरोनालाई परास्त गर्दै खेल गतिविधिहरुलाई चलाएमान गराउनुपर्ने समय आएको बताएका छन् ।

नेपालगञ्ज म्याराथनको सातौं संस्करणको उद्घाटन गर्दै मन्त्री गहतराजले खेल क्षेत्रको विकासकालागि मन्त्रालयले नयाँ योजना तथा नीति तय गरेको बताए ।

उनले नेपालगञ्ज म्याराथनलाई स्थापित म्याराथनका रुपमा सूचिकृत गराउन पहल गर्ने पनि आश्वासन दिए ।

म्याराथनको उद्घाटनका क्रममा मन्त्री गहतराजले झण्डा हल्लाएका थिए भने महानायक राजेश हमालले सिठ्ठि फुकेका थिए ।

महानायक हमालले नेपालगञ्ज खेलकूदको शहर भएको भन्दै प्रशंशा गरे । उनले स्वास्थ्यसँग सम्बन्धित नेपालगञ्ज म्याराथनलाई अन्तर्राष्ट्रियस्तरमै स्थापित गराउनुपर्नेमा जोड दिए ।