काठमाडौं । नेपाल स्टक एक्सचेञ्ज (नेप्से)मा साताको कारोबारको दोस्रो दिन सोमबार सामान्य अंकको वृद्धि भएको छ ।

सोमबार नेप्से ७.९० अंकले बढेर दुई हजार सात सय ६५ दशमलव ४४ विन्दुमा पुगेको नेपाल स्टक एक्सचेन्जले जनाएको छ ।

सोमवार कारोबार रकम भने बढ्न सकेको छैन । सोमवार नेप्सेमा ३ अर्ब ९२ करोड ९२ लाख बराबरको कारोबार भएको छ ।

नेप्सेका अनुसार सोमबार मानुषी लघुवित्त वित्तीय संस्था र चन्द्रागीरी हिल्सको शेयरमूल्य पोजेटिभ सर्किट देखिएको छ ।

त्यस्तै, सोमवार कर्पोरेट डेभलपमेन्ट बैंक र रिलायन्स फाइनान्सको शेयरमूल्य ३ प्रतिशत भन्दा बढीले घटेको छ ।

कारोबारको आधारमा सोमबार सबैभन्दा बढी महालक्ष्मी विकास बैंकले ३४ करोड भन्दा बढीको कारोबार गरेको छ ।

आइतबारको कारोबारमा आएका २२५ कम्पनीको ७५ लाख ६५ हजार ५१० कित्ता शेयर ३ अर्ब ९२ करोड ९२ लाख ६१ हजार ६२७ रुपैयाँ बराबरको कारोबार भएको छ ।

नेप्से १३ उपसमूह मध्ये पाँच उपसमूहको शेयर मूल्य गिरावट आएको छ भने अन्य ८ उपसमूहमको मूल्य बढेको छ । जसमा बैंकिङ समूहको २.८९ अंक, ट्रेडिङ १५.८३ , होटल तथा टुरिजम १४९.७६, जलविद्युत १०.९२, निर्जीबन बीमा ९९.४८ बढेको छ ।

त्यस्तै, माइक्रोफाइनान्स १४.५७ , जीवन बीमा समूहको उपसूचक ७.०८, विकास बैंक ३४.९९, उत्पादन तथा प्रशोधन २४.९१ अंकले घटेको छ ।

साताको पहिलो दिन आइतबार शेयर बजार मापक नेप्से परिसूचक ११.६० अंकले गिरावट आएको थियो ।