काठमाडौँ । नेकपा एमालेको १० औँ राष्ट्रिय महाधिवेशनको उद्घाटन सत्रमा प्रधानमन्त्री तथा कांग्रेस सभापति शेरबहादुर देउवा र पूर्व प्रधानमन्त्री तथा एमालेका अध्यक्ष केपी शर्मा ओली एकसाथ पुगेका छन् ।

एमाले उद्घाटन सत्रमा दुई नेताबीच ६ महिनापछि एकसाथ देखिएका हुन् । यस कार्यक्रममा प्रधानमन्त्री देउवाले सम्बोधन गर्ने भएका छन् । उनीहरूसँगै जनता समाजवादी पार्टी (जसपा)का अध्यक्ष उपेन्द्र यादवसमेत सँगै पुगेका थिए ।

यस्तै, एमाले महाधिवेशनमा राष्ट्रिय प्रजातन्त्र पार्टीका अध्यक्ष कमल थापा र राष्ट्रिय जनमोर्चाका अध्यक्ष चित्रबहादुर केसीले पनि सम्बोधन गर्ने भएका छन् ।