काठमाडौँ । म्यानमारको जुन्ता अदालतले नोबेल पुरस्कार विजेता म्यानमारकी प्रजातान्त्रिक नेतृ आङ सान सुकीलाई जेल सजाय सुनाएको छ । म्यानमारको अदालतले अपदस्थ नेता सुकीलाई चार वर्षको जेल सजाय सुनाएको हो ।

यो उनलाई आजीवन कारावासको सजाय हुनसक्ने शृङ्खलाको पहिलो फैसला हो । सुकीले कुल ११ वटा आरोपको सामना गर्नु परेको छ । यसलाई उनले अस्वीकार गरेकी छिन् । उनी फेब्रुअरीदेखि नै घरमै नजरबन्दमा छिन् । सेनाले उनको निर्वाचित सरकारलाई गिराएर नेताहरूलाई हिरासतमा राखेको थियो ।

सुकीलाई कहिले जेलमा राखिने हो भन्ने स्पष्ट छैन । पूर्व राष्ट्रपति र सुकीको नेशनल लिग फर डेमोक्रेसी (एनएलडी) पार्टीका सहयोगी विन मिन्टलाई पनि सोही आरोपमा सोमबार चार वर्षको जेल सजाय सुनाइएको थियो । बीबीसी