काठमाडौँ । मंगलबार मुस्लिम आयोगका पदाधिकारी र संयुक्त राष्ट्रसंघको प्रतिनिधि मण्डलबीच भेट वार्ता भएको छ । भेटमा नेपालका मुस्लिम समुदायको सामाजिक, आर्थिक, सामाजिक तथा समस्याका बारेमा छलफल भएको हो ।

राष्ट्रसंघको चरम गरिबी र मानव अधिकार हेर्ने विशेष टोलीको संयोजक ओली भर डे स्कटरको नेतृत्वमा आएको प्रतिनिधि मण्डलले आयोगले गरिरहेको काम, मुस्लिम समुदायको शिक्षाको अवस्था, भूगोलअनुसार बसोबासको अवस्थाका विषयमा जिज्ञासा राखेको आयोगका अध्यक्ष समीम मियाँ अन्सारीले बताए ।

भेटमा आयोगका अध्यक्ष अन्सारीले आयोगले गरिरहेको काम र मुस्लिम समुदायको अवस्थाको सम्बन्धमा जानकारी गराएका थिए ।