काठमाडौं । नेपाली कांग्रेसको १४ औं महाधिवेन भोलिबाट सुरु हुँदैछ । तर संस्थापन ईतर समुहमा सभापतिको साझा उम्मेदवार टुंगो लाग्न सकेको छैन । सोमबारदेखि सुरु भएको संस्थापन ईतर समुहको पटक पटकको बैठकले शेखर कोइराला र प्रकाशमान सिंहको सभापति नछोड्ने अडान लिदाँ संस्थापन ईतर समुहले अझै सभापतिको साझा उम्मेदवार बनाउँन सकेको छैन् ।

बिहिबार बेलुका शशांक कोइरालाको निवासमा बसेको बैठकले सभापतिमा रामचन्द्र पौडेललाई अघि सार्ने र प्रकाशमान र शेखरलाई सभापतिको दाबी छोड्न आग्रह गर्न लगाउँने युवा नेताहरुको बैठकले निष्कर्ष निकालेको हो । बैठक सकिएलगतै सिंह निवास चाक्सीबारी छलफल गर्न मिनेन्द्र रिजाल, अर्जुननरसिंह केसी, बलबहादुर केसी, महेश आचार्य,गगन थापालगायतका नेता गएका छन् ।

प्रकाशमान सिंहको निवास चाक्सीबारी फकिएर सोही टोली शेखर कोइरालाको निवास जाने सोही समुहका एक नेताले बताए । ति नेताले प्रकाशमानको निवासमा रामचन्द्रलाई साझा सभापतिको उम्मेदवारी बनाउँने विषयमा छलफल जारी रहेको बताए ।