काठमाडौँ । मकवानपुरको भीमफेदी गाउँपालिका ५ स्थित खहरे खोलामा झोलुङ्गे पुल निर्माण हुने भएको छ । ५१ लाख रुपैयाँको लागतमा निर्माण हुने पुलको भीमफेदी गाउँपालिकाका अध्यक्ष हिदम् लामाले आइतबार शिलान्यास गरेका थिए ।

संघीय सरकार र गाउँपालिकाको लगानीमा बन्ने पुलबाट भीमफेदीको दमार तथा सोलभज्याङका बासिन्दालाई आवतजावतमा सजिलो हुने जनाइएको छ । एक सय १४ मिटर लम्बाइको पुल छ महिनाभित्र निर्माण सम्पन्न हुने गाउँपालिकाले जनाएको छ ।