काठमाडौँ । नेकपा माओवादी केन्द्रको बन्दसत्र सुरु भएको छ । माओवादी केनद्रको आठौं महाधिवेशनअन्तर्गत सोमबारबाट राजधानीको कमलादीमा बन्दसत्र सुरु भएको हो ।

बन्दसत्रमा पार्टीका अध्यक्ष पुष्पकमल दाहाल ‘प्रचण्ड’ को राजनीतिक प्रतिवेदन, विधानलगायतका अन्य प्रतिवेदन पेश हुने छन् । बन्दसत्रमा करिब एक हजार ६३१ प्रतिनिधि तथा पर्यवेक्षक सहभागी हुने बताइएको छ । सात भौगोलिक प्रदेश र तीन गैरभौगोलिक प्रदेशबाट प्रतिनिधि सम्मेलनमा सहभागी भएका छन् । माओवादी केन्द्रले आठौं महाधिवेशनबाट नयाँ नेतृत्व चयन गर्ने छ ।