काठमाडौँ । नेपाली महिला फुटबल टोलीले दोस्रो पटक एसियन सिनियर सेन्ट्रल जोन भलिबल च्यालेन्जको उपाधि हात पारेको छ ।

उज्वेकिस्तानलाई ३–२ को सेटमा हराउँदै नेपाल दोस्रो पटक उपाधि च्याम्पियन बनेको हो ।

ढाकाको मिरपुरस्थित शाहिद शुरवार्दी इन्डोर स्टेडियममा नेपालले पहिलो सेट २५–२४ ले जितेको थियो ।

दोस्रो सेटमा उज्वेकिस्तान २५–२४ ले विजयी भए पनि तेस्रो सेट नेपालले २५–१५ ले आफ्नो पक्षमा पार्यो । चौथो सेट उज्वेकिस्तानले २५–२२ ले जित्दै खेल वेस्ट अफ फाइभमा पु¥यायो ।

पाँचौं सेट १५–१० ले आफ्नो बनाउँदै नेपालले उपाधि जित हात पार्यो । नेपालले शतप्रतिशत नतिजासहित उपाधि जितेको हो ।

यसअघि महिला टोलीले बंगलादेशमा नै भएको एभिसी सेन्ट्रल जोनमा ऐतिहासिक स्वर्ण पदक जितेको थियो ।

प्रतियोगितामा साविक विजेता नेपालसहित आयोजक बंगलादेश, श्रीलंका, माल्दिभ्स, उज्वेकिस्तान र किर्गिस्तान गरी ६ टोलीको सहभागिता थियो ।