काठमाडौं । नेकपा एमालेका अध्यक्ष केपी शर्मा ओलीले अहिलेको सरकार सरकारमा बस्न सुहाउने सरकार नै नभएको टिप्पणी गरेका छन् । एमालेको जिल्ला अधिवेशनको केन्द्रीय कार्यालय थापाथलीवाट एकैसाथ भर्चुअलमाध्यमवाट उदघाटन गदै अध्यक्ष ओलीले सरकारका नाममा अहिले असम्वैधानिक ड्रामा मात्र गरिएको आरोप लगाए ।

‘अहिलेको सरकार सरकारमा बस्न सुहाउने सरकार नै होइन । त्यसैले सरकारमा बस्न जनताले आदेश दिएका थिएनन । जनताले आदेश नदिएका मान्छेहरु अन्यत्रैवाट, संसदले सरकार परिवर्तन भएको थाहै पाएन । जुन संसदले सरकार परिवर्तन गर्ने, सरकार गठन गर्ने काम गर्छ, उसले प्रधानमन्त्री हटाइएको, प्रधानमन्त्री नियुक्त भएको र प्रधानमन्त्रीले सपथ लिईसकेको थाहै पाएन । एकैपटक संसदले विश्वासको मत लिने ड्रामाको वेला मात्र थाहा पायो । त्यो असम्वैधानिक ड्रामा थियो । असंम्वैधानिक क्रियाकलापवाट जन्मिएको अस्वस्थ्य ड्रामा थियो त्यो ।’ ओलीले भने,–‘म नेपाली जनतालाई आग्रह गर्न चाहान्छु, यस्ता ड्रामाहरुलाई आगामी दिनमा अन्त्य गर्नुपर्छ हामीले ।’