कैलाली । कैलालीमा नेकपा एमालेको जिल्ला अध्यक्षसहित पदाधिकारीमा सहमति नजुटेपछि निर्वाचन प्रक्रिया अगाडि बढाइएको छ ।

जिल्लामा अध्यक्षका लागि वर्तमान जिल्ला अध्यक्ष रतन थापासहित तीन जनाको दाबेदारी छ । जिल्ला अध्यक्षका लागि वर्तमान थापासहित रणबहादुर चन्द र डेजी पाण्डेको दाबी छ । तीन जना आकांक्षीबीच सहमति नजुटेपछि निर्वाचन प्रक्रियामा जानुपरेको अध्यक्ष थापाले बताए ।

निर्र्वाचन समितिले कार्यतालिकासमेत सार्वजनिक गरेको छ । तालिका अनुसार शनिबार नामावली प्रकाशन गरिनुका साथै उम्मेदवारी दर्ता गरिएको छ ।
यस्तै, शनिवार नै साँझ ७ः३० देखि ८ः३० बजेसम्म उम्मेदवारको अन्तिम नामावली प्रकाशन, आइतबार बिहान ८ः३० बजेदेखि १ः३० बजेसम्म मतदान र दिउँसो ३ बजेदेखि मतगणना हुने कार्यतालिका रहेको प्रमुख निर्वाचन अधिकृत चक्रराज तिमिल्सिनाले बताए ।

एमाले कैलालीको अध्यक्षसहित पदाधिकारी सहमतिमै टुंगो लगाउने प्रयास गरिएपनि सफल हुन सकेन ।

जिल्ला अध्यक्षका लागि वर्तमान अध्यक्ष रतन थापा, रणबहादुर चन्द र डेजी पाण्डेले दाबी गरेका छन् ।