काठमाडौँ । एमाले प्युठानको अध्यक्षमा विजय विराज विष्ट विजयी भएका छन् । सोमबार सम्पन्न मत गणनाको अन्तिम परिणामअनुसार उनले तीन सय १४ मत ल्याएका छन् ।

अध्यक्षका अर्का प्रतिस्पर्धी नेहरसिंह केसीले एक सय ७६ मत पाएका थिए । पदाधिकारीमध्ये उपाध्यक्षमा झगबहादुर विश्वकर्मा, सचिवमा माधव शर्मा तथा दुई सहसचिवमा श्रीधर रोका र दीपा घर्ती विजयी भए ।

अध्यक्षमा विजयी विष्ट वामदेव गौतम निकट हुन् । उनी गौतमका स्वकीय सचिवालयमा कार्यरत थिए ।