गोरखा । गोरखाको धार्मिकस्थल मनकामना मन्दिर प्रवेशमा विहीबारदेखि भक्तजनहरुलाई रोक लगाइने भएको छ ।

मनकामना क्षेत्र विकास समितिको मंगलबार बसेको बैठकले बढ्दो कोरोना संक्रमणलाई मध्यनजर गर्दै माघ ६ गतेबाट भक्तजनलाई प्रवेश गर्न नदिने निर्णय गरेको हो ।

सो अवधिमा लाखवत्ती बाल्ने, बली पूजा गर्ने लगायतका धार्मिक कार्यहरु समेत रोक लगाउने निर्णय गरिएको छ ।

नित्यपूजा बाहेकका सवै धार्मिक गतिविधि बन्द हुने भएकाले मन्दिर नआउन समितिले सबैलाई आग्रह गरेको छ ।