काठमाडौं । मौरिससविरुद्धको पहिलो अन्तर्राष्ट्रिय मैत्रीपूर्ण खेलमा जित हासिल गरेको नेपालले आजको दोस्रो खेलमा पनि अग्रता लिएको छ ।
दशरथ रंगशालामा भएको नेपालले ११ औं मिनेटमा नै नेपालका सुजल श्रेष्ठले गोल गरी नेपाललाई अग्रता दिलाएका हुन् ।
११ औं मिनेटमा नेपालले गोल गरे लगत्तै १३ औं मिनेटमा मौरिससले पाएको पेनाल्टी नेपालका गोलकिपर किरण चेम्जोङले रोकिदिएका थिए ।
पहिलो हाफमा १–० को अग्रता लिएको नेपाल दोस्रो हाफमा पनि मौरिससलाई दबाबमा पार्ने रणनीति लिएको छ ।
गत शनिबार भएको पहिलो खेल मैत्रीपूर्ण खेलमा बिमल घर्तीमगरको गोलमा नेपालले जित निकालेको थियो ।