काठमाडौँ । बेलायती प्रधानमन्त्री बोरिस जोनसनको टिममा राजीनामा बुझाउने संख्या बढ्न थालेको छ । उनका नीति सलाहकार एलिना नारोजास्कीले राजीनामा दिनेको सूचीमा नाम थपिएको हो ।

यसअघि प्रधानमन्त्री आवासका चार वरिष्ठ कर्मचारीले राजीनामा दिएका थिए । राजीनामाका बीच शुक्रबार प्रधानमन्त्री बोरिस जोनसनले आफ्नो टिमसँग परिवर्तन राम्रो भएको बताए ।

जोनसन आफ्नो प्रधानमन्त्री पद जोगाउन लगातार संघर्ष गरिरहेका छन् । लकडाउनका क्रममा प्रधानमन्त्री निवासमा भएको पार्टीमा सहभागी भएको विषयलाई लिएर कन्जर्वेटिभ पार्टीका सांसद उनलाई पदबाट हटाइने छ या छैन भन्नेबारे बहस गरिरहेका छन् ।