काठमाडौँ । खेलको इञ्जुरी समयमा लुक डि जङको गोलसँगै आइतबार राति भएको स्पेनिस ला लिगाको खेलमा बार्सिलोनाले हार टारेको छ । अन्तिम समयमा लुकको गोलसँगै बार्सिलोनाले स्पान्योलसँग २–२ गोलको बराबरी खेल्दै अंक बाढेको हो ।

खेलमा दुवै टोली १० खेलाडीमा सिमित भएका थिए । खेल सुरु हुनु अघिनै स्पान्योलमा म्यानुएलले रातो कार्ड सामना गरे भने इञ्जुरी समयमा निकोलासले अर्को रातो कार्ड भेटे । बार्सिलोना जेरार्ड पिकेले रातो कार्डको सामना गरे ।

खेलमा भ्रमणकारी टोली बार्सिलोनाले सुरुवाती अग्रता बनायो । दोस्रो मिनेटमै पेड्रीले जोर्ड अल्बाको पासमा गोल गरे ।

सर्जी डारडरले ४० औँ मिनेटमा गोल गर्दै खेल बराबरीमा ल्याए । राहुल थोमसले ६४ औँ मिनेटमा गोल गर्दा घरेलु टोली २–१ ले अगाडि बढ्यो । तर लुकले इन्जुरी समयको छैटौँ मिनेटमा गोल गर्दै खेल बराबरी ल्याए ।

बराबरी रोकिएसँगै २३ खेलबाट ३९ अंकसहित चौथो स्थानमा छ । २४ खेलबाट २८ अंकसहित स्पान्योल १३ औं स्थानमा छ । जारी ला लिगामा ५४ अंकसहित रियल मड्रिड शीर्ष स्थानमा छ ।