सोमबार, जेठ ५, २०८२

नेपाल आज आयरल्याण्डसँग खेल्दै

मेरोन्यूज २०७८ फागुन २ गते ७:४३

काठमाडौँ । ओमानमा भइरहेको चार देशीय टी २० सिरिजको तेस्रो दिन आज नेपालले आयरल्याण्डसँग खेल्ने भएको छ । मस्कटस्थित अल अमरेट क्रिकेट ग्राउण्डमा नेपाली समयअनुसार दिउँसो ४ः४५ बजे खेल सुरु हुने भएको हो ।

ओमानमै १८ फेब्रुअरीदेखि सुरु हुने आइसीसी टी २० विश्वकप ग्लोबल क्वालिफायर ए का लागि सिरिज आयोजना भएको हो । सिरिजमा नेपालसहित चार देश सहभागी भएका छन् ।

यसअघि नेपालले पहिलो खेलमा घरेलु टोली ओमानलाई हराएको थियो भने दोस्रो खेलमा युएईसँग पराजित भएको थियो । आयरल्याण्डले पनि पहिलो खेलमा ओमानलाई हराएको थियो भने दोस्रो खेलमा युएईसँग पराजित भएको थियो ।

प्रतिक्रिया