काठमाडौं । काठमाडौंको दरबारमार्गस्थित याक एन्ड यति होटलको इजाजत खारेज गर्न गृह मन्त्रालयले जिल्ला प्रशासन कार्यालय काठमाडौंलाई परिपत्र गरेको छ ।

होटलको क्यासिनोको इजाजत पत्र रद्द गर्ने, पाँच तारा वर्गीकरण प्रमाणपत्र रद्द गर्नेलगायत निर्देशनसहित मन्त्रालयले जिल्ला प्रशासनलाई पत्र पठाएको हो ।

राज्यलाई बुझाउनुपर्ने ४२ करोड रोयल्टी याक एण्ड यति होटलले पटक–पटक ताकेता गर्दा पनि नबुझाएको भन्दै संस्कृति, पर्यटन तथा नागरिक उड्डयन मन्त्री प्रेमबहादुर आलेले होटलको पाँच तारे वर्गीकरण र क्यासिनोको इजाजजपत्र रद्ध गरिदिएका थिए ।

माघ २६ गते मन्त्रीस्तरीय निर्णयले होटलको क्यासिनो सञ्चालन इजाजत पत्र र वर्गीकरण प्रमाणपत्र रद्ध गरेको थियो ।

कानुनी प्रक्रियाबारे छलफल गरेर आवश्यक कारबाही अगाडि बढाउने प्रशासनले जनाएको छ ।

मन्त्रालयले २०४८ पुस २२ मा त्यस होटलको नाममा क्यासिनो सञ्चालनको इजाजतपत्र जारी गरेको थियो ।