काठमाडौँ । नेकपा एमालेका अध्यक्ष केपी शर्मा ओलीले प्रजातन्त्रको अवसरमा शुभकामना दिएका छन् । यस अवसरमा उनले प्रजातन्त्र प्राप्तिका लागि बलिदान गरेका तथा सबै सहिदप्रति श्रद्धाञ्जलि अर्पण गरेका छन् ।

‘आज नेपाली जनताको एकताबद्ध संघर्षबाट निरकुंश जहाँनिया राणा शासनको अन्त्य भएको दिन, २००७ साल फागुन ७ गते, आजकै दिनलाई नेपालको इतिहासमा हामीले उज्यालो नयाँ युगको आरम्भ बिन्दुका रुपमा स्थापित गरेका थियौँ,’ अध्यक्ष ओलीले शुभकामना सन्देशमा भनेका छन् ।

यस अवसरमा उनले आफूहरूलाई सत्ताबाट बाहिर पुर्याएपछि अवरुद्ध समृद्ध नेपाल, सुखी नेपाली राष्ट्रिय आकांक्षा पूरा गर्ने अभियानलाई थप अगाडि बढाउने बताए ।