काठमाडौं । कुखुराको मासुको मूल्य बढेको छ । शनिवारदेखि नै लागू हुने गरी प्रतिकिलो १५ रुपैयाँले वृद्धि गरिएको राष्ट्रिय कुखुरा बिक्री व्यवसायी संघले जनाएको छ ।

कुखुराको मासुको मूल्य बढेसँगै किसानले प्रतिकिलो १० रुपैयाँ बढी पाउने संघले जनाएको छ ।

मूल्य बढेसँगै उपत्यकामा कुखुराको मासुको मूल्य प्रतिकिलो ३६० रुपैयाँ पुगेको संघले जनाएको छ ।

यस्तै, जिउँदो कुखुराको मूल्य किसानले प्रतिकिलो २६० रुपैयाँ पाउने संघले जानकारी दिएको छ । विभिन्न ठाउँमा बर्डफ्लु देखिएकाबेला संघले कुखुराको मासुको मूल्य बढाएको हो ।