काठमाडौँ । सुनको मूल्य सोमबार प्रतितोला ४०० रुपैयाँले घटेको छ । नेपाल सुनचाँदी व्यवसायी महासंघका अनुसार सोमबार छापावाल सुनको मूल्य तोलामा ९६ हजार २०० रुपैयाँ कायम भएको छ ।

आइतबार छापावाल सुन तोलामा ९६ हजार ६०० रुपैयाँमा कारोबार भएको थियो । यसैगरी, सोमबार तेजावी सुनको मूल्य ९५ हजार ७०० रुपैयाँ निर्धारण भएको छ ।

चाँदीको मूल्य भने पाँच रुपैयाँले घटेको छ । आइतबार एक हजार ३०५ रुपैयाँमा कारोबार भएको चाँदी सोमबार एक हजार ३०० रुपैयाँ निर्धारण भएको छ ।