काठमाडौं । महालक्ष्मी विकास बैंकको २० औं वार्षिक साधारणसभा यहि फागुन १३ गते हुने भएको छ ।

बंैककोे फागुन ५ गते बसेको सञ्चालक समितिको ५१६ औं बैठकले यहि फागुन १३ गते शुक्रबार काठमाडौंको कमलादीस्थित प्रज्ञा भवनमा गर्ने निर्णय गरेको बैंकका प्रवक्ता दिपेश लम्सालले जानकारी दिए ।

गत पुस २५ गतेका लागि तोकिएको साधारणसभा गणपूरक संख्या नपुगी स्थगित भएको थियो । पुनः माघ ३ गतेका लागि तय गरिएको साधारणसभा भने उच्च अदालत पाटनको पुस २३ गतेको अल्पकालिन अन्तरिम आदेशको टुंगो नलागेसम्म नगर्नु नगराउनु भनी आएका आदेशका कारण स्थगित गरिएको थियो ।

अल्पकालिन अन्तरिम आदेशलाई निरन्तरता दिनु परेन भनि उच्च अदालतवाट आदेश भएकाले फागुन १३ गते साधारणसभा गर्न लागिएको बैंकले जनाएको छ ।

वार्षिक साधारणसभामा संचालक समितिले प्रस्ताव गरे बमोजिम आर्थिक वर्ष २०७७÷७८ को सञ्चित मुनाफा रकमबाट शेयरधनीहरुलाई हाल कायम चुक्ता पूँजीको २० प्रतिशतका दरले बोनस शेयर र बोनस शेयरमा लाग्ने कर प्रयोजनार्थ १.०५२६ प्रतिशत नगद लाभांश गरि कुल २१.०५२६ प्रतिशत लाभांश वितरण गर्ने समेतका प्रस्तावहरु पेश गरिने प्रवक्ता लम्सालले बताए।