काठमाडौँ । लामो तनावका बीच रुसले बिहीबार बिहानै युक्रेनमाथि मिसाइल हमला गरेको छ । हमलामा कम्तिमा नौ जनाको मृत्यु भएको समाचारमा जनाइएको छ । रुसी सेना युक्रेनका केही भूभागमा पुगेका छन् ।

युक्रेनले आफूहरूले छ वटा रुसी फाइटर जहाज खसालेको दाबी गरेको छ । यसबारे रुसले कुनै प्रतिक्रिया दिएको छैन ।

पुटिनको घोषणा : तत्काल हमला

रुसी राष्ट्रपति भ्लादिमिर पुटिनले एक सरकारी टेलिभिनमार्फत युक्रेनमाथि हमला गर्ने घोषणा गरेका थिए । उनको घोषणासँगै रुसले युक्रेनमाथि हमला गरेको थियो । पुटिनले रुस र युक्रेनमाथि कसैले हस्तक्षेप गरे नतिजा निकै नराम्रो हुने धम्की दिएका थिए । उनले अमेरिका र नेटो सेनातर्फ औंल्याउँदै यस्तो धम्की दिएका हुन् ।

पुटिनको भनाई पूरा हुन नपाउँदै युक्रेनको राजधानी किभलगायतका विभिन्न प्रान्तमा १२ वटा विस्फोट भएको थियो । राजधानी किभमा पनि मिसाइल आक्रमण भएको थियो ।

युक्रेनको विमानस्थल बन्द भएको छ । यस कदमले युक्रेनमा फसेका विदेशी नागरिकहरू आपतमा परेका छन् ।

युक्रेनले आक्रमणको जवाफ दिँदै रुसी विमान खसालेको थियो । युक्रेनले यो आक्रमणको जवाफ दिने र युद्ध जित्ने बताउँदै आएको छ । रुसलाई युद्धमा पराजीत गर्ने बताउँदै आएको युक्रेनसँग कति छ सैन्य शक्ति ?

१, रुससँग आठ लाख ५० सैनिक छन् भने युक्रेनसँग दुई लाख सैनिक रहेका छन् ।

२, रुससँग दुई लाख ५० हजार प्यालामिलिट्ररी फोर्स छन् भने युक्रेनसँग ५० हजार मात्रै रहेका छन्

३, सैनिक बजेटमा युक्रेनसँग जम्मा करिब ८९ करोड डलर रहेको छ भने रुससँग साढे ११ लाख करोड डलर रहेको छ ।

४, सैनिक ट्याङ्क रुससँग १२ हजार ४२० र युक्रेनसँग २५९६ वटा रहेको छ ।

५, रुससँग ४१७३ एयरक्राफ्ट रहेको छ भने युक्रेनसँग ३१८ वटा मात्रै रहेको छ ।

६, फाइटर एयरक्राफ्ट रुससँग ७७२ वटा रहेको छ भने युक्रेनसँग ६९ वटा रहेको छ ।

७, सैनिक हेलिकप्टोर रुससँग ५४४ वटा रहेको भने युक्रेनसँग ३४ वटा मात्रै रहेको छ ।

८, नौसैनिक जहाज युक्रेनसँग ३८ वटा मात्रै रहेको भने रुससँग ६०५ वटा रहेको छ ।

९, युद्धपोत युक्रेनसँग एउटा मात्रै छ, यस्तै रुससँग ११ वटा रहेको छ ।

१०, रुससँग १५४३ वटा हुँदा युक्रेनसँ ११२ वटा मात्रै रहेको छ ।