काठमाडौँ । नेकपा माओवादी केन्द्रको जारी केन्द्रीय समिति बैठक सरेको छ । आज बिहान ११ बजे बस्ने तय भएको बैठक दिउँसो २ बजेका लागि सरेको हो ।

माओवादी केन्द्रीय कार्यालयका अनुसार ११ बजे बस्ने तय भएको बैठक तीन घण्टा ढिला गरी २ बजे बस्ने भएको हो । माओवादीको केन्द्रीय कमिति बैठक शुक्रबारदेखि सुरु भएको हो ।

आजको बैठक बत्तिसपुतलीस्थित अनुपम पार्टी प्यालेसमा बस्ने भएको छ । आजको बैठकमा अध्यक्ष पुष्पकमल दाहाल ‘प्रचण्ड’ले एमसीसीबारे उठेका प्रश्नको जवाफ दिने भएका छन् । बैठकले केन्द्रीय कमितिको पूर्णता, पदाधिकारी चयन, स्थायी र पोलिटब्युरो गठन गर्ने बताइएको छ ।