काठमाडौं । कांग्रेससँगको सत्ता साक्षेदारीमा रहेको द नेकपा एकीकृत समाजवादीको केन्द्रीय समितिको बैठक आज पनि बस्दैछ । अध्यक्ष माधव नेपालले हिजो पेश गरेको राजनीतिक प्रतिवेदनमा विभिन्न समुह बनाई छलफल भईरहेको छ । सात ओटा प्रदेशका ७ र अन्य गैह भौगोलिक, सम्पर्क लगायतमा काम गर्ने केन्द्रीय सदस्यहरुलाई थप २ गरी ९ वटा समुहमा विभाजन गरी नेकपा एकीकृत समाजवादीले अध्यक्ष नेपालको राजनीतिक प्रतिवेदनलाई छलफल गरिरहेको छ ।

छलफलमा उठेका सुझाव र टिप्पणी समुहवाट रिपोट पहिले पेश गर्ने र त्यसपछि अध्यक्ष नेपालले जवाफ दिने गरी कार्यक्रम राखिएको नेकपा एकीकृत समाजवादीका उपमहासचिव तथा प्रवक्ता जगन्नाथ खतिवडाले जानकारी दिए । अध्यक्ष नेपालले उठेका सुझाव तथा टिप्पणीमा जवाफ दिएपछि स्थानीय तह निर्वाचनबारे पार्टी कार्यक्रम तय गदै बैठक आजै सक्ने तयारी नेकपा एकीकृत समाजवादीले बनाएको छ ।

काठमाडौंको कार्की ब्यांक्वेट बबरमहलमा बैठक बस्ने छ ।

हिजो नेपालले १० पेज लामो ८ वुँदे प्रस्ताव वैठकमा छलफलका लागि पेश गरेका थिए । एमसीसीमा ब्याख्यात्मक घोषणा सहित पारित गर्ने बाटो लिएपछि केपी ओलीले आफनो पार्टी कोल्याप्स गर्ने गरी खेलेको षडयन्त्रलाइ फेरि एकपट परास्त गर्न सफल भएको निश्कर्ष निकालिएको छ । त्यस्तै, स्थानीय देखि संघ र प्रदेशसम्मको चुनावमा सत्ता गठबन्धन दलका वीचमै चुनावी तालमेल हुने र त्यसरी नै अगाडी बढन नेता तथा कार्यकर्तालाई नेपालले आग्रह समेत गरेका छन् ।

आज मध्यान्ह १२ वजे सम्म समुहमा छलफल सक्न र त्यसपछि वैठक हलमा सुझाव पेश गर्ने गरी तयारी एकीकृत समाजवादीले बनाएको छ ।