काठमाडौँ । सेञ्चुरी कमर्सियल बैंकले काठमाडौँको भिमसेनगोलामा नयाँ शाखा खोलेको छ । बैंकले ग्राहक वर्गहरुमाझ आफ्नो सेवा विस्तार गर्ने क्रममा उक्त शाखा खोलेको हो ।

बैंकका संचालक समिति सदस्य प्रा.डा. गीता प्रधानले बैंकको १२९ औं शाखाको उद्घाटन गरी सेवा शुभारम्भ गरेकी थिइन् । उक्त कार्यक्रममा बैंकका अध्यक्ष राजेशकुमार श्रेष्ठ, संचालक मनबहादुर राई, सुनिल न्यौपाने, कायम मुकायम प्रमुख कार्यकारी अधिकृत मनोज न्यौपानेलगायतको उपस्थिति थियो । यो शाखासँगै उपत्यकाभित्र बैंकको शाखा संख्या २६ पुगेको छ ।

देशमा सुगम तथा दुर्गम क्षेत्रसम्म सेवा विस्तार गर्ने उद्देश्यले बैंकले देशका विभिन्न स्थानहरुमा शाखा, शाखारहित बैंकिङ्ग तथा एक्सटेन्सन काउण्टर संचालनमा गर्दै आएको छ । बैंकको कूल शाखा संख्या १२९ पुगेको छ । यस्तै, ११३ वटा एटिएम मार्फत वित्तीय सेवा प्रदान गर्दै आएको छ ।