काठमाडौं । डिजिटल प्रविधिबाट वित्तीय सेवा प्रवाह गर्दै आएको इसेवा मनी ट्रान्सफर र प्रभु म्यानेजमेन्ट प्रालिबीच रेमिट्यान्स भुक्तानी सम्बन्धि सम्झौता भएको छ ।

योसम्झौतासँगै, संसारका २ सय बढी मुलुकबाट इसेवा मनी ट्रान्सफरमार्फत नेपाल पठाएको रेमिट्यान्स, इसेवा मनी ट्रान्सफरका १० हजार बढी भुक्तानी केन्द्र र ईसेवा वालेटका ५ हजार बढी एजेन्टसँगै अब प्रभु म्यानेजमेन्टसँग आवद्ध नेपालभरी रहेका ७ हजार बढी सहकारी संस्थाहरुबाट समेत इसेवा मनी ट्रान्सफरमार्फत विदेशबाट आएको रेमिट्यान्स भुक्तानी गर्न सकिनेछ ।

यसका साथै, प्रभु म्यानेजमेन्टसँग आवद्ध सहकारी संस्थाहरुबाट इसेवा मनी ट्रान्सफरको डोमेस्टिक रेमिट्यान्स भुक्तानी लिन मिल्नुका साथै ती सहकारी संस्थाहरुमा रकम जम्मा गर्न समेत सकिने भएको छ ।

प्रभु म्यानेजमेन्टको सञ्जालमार्फत आफ्ना ग्राहकले रेमिट्यान्स भुक्तानी सेवामा थप सहजता पाउने कुरामा विश्वस्त रहेको ईसेवा मनी ट्रान्सफरका सीईओ अजेस कोइरालाले बताए । २०६९ साल असोज १० देखि प्रभु मेनेजमेन्टले सेवा थालेको थियो ।