काठमाडौं । काठमाडौंमा बसेर नेपाली युवाहरुलाई दक्षिण कोरिया पठाइदिने भन्दै ठगी गर्ने एक कोरियन नागरिक पक्राउ परेका छन्। पक्राउ पर्नेमा दक्षिण कोरिया घर भई हाल काठमाडौंको लाहुरेटोल, चावहिल बस्ने राई सी जुङ रहेका छन् ।

उनले आफूलाई ओके कन्सल्टेन्सीको संचालक हुँ भनि वेल्डिङ ट्रेनिङ गराई दक्षिण कोरियामा रोजगारमा पठाई दिन्छु भनि पीडितबाट रकम लिई ठगी गर्ने गरेको प्रहरीले जनाएको छ।

उनलाई ठगी सम्बन्धी कसूरमा पक्राउ गरि आवश्यक कारवाहीको लागि महानगरीय प्रहरी वृत, गौशाला पठाइएको केन्द्रीय अनुसन्धान ब्यूरोले जनाएको छ।