काठमाडौँ । स्पेनी क्लब रियल म्याड्रिडले रुसी आक्रमणमा विस्थापित युक्रेनीका लागि १० लाख युरो सहयोग प्रदान गर्ने भएको छ ।

हमलामा युक्रेनबाट विस्थापित भएर विभिन्न देशमा शरण लिएकालाई सो सहयोग प्रदान गरिने लालिगाका नेताले जनाएका छन् । उक्त सहयोग रेडक्रस, राष्ट्र संघको शरणार्थीसम्बन्धी निकाय युएनएचसीआर र युक्रेनमा कार्यरत अन्य संगठनमार्फत प्रदान गरिने छ ।

राष्ट्र संघका अनुसार झण्डै २५ लाख युक्रेनीले देश छाडेर विभिन्न छिमेकी देशमा शरण लिइरहेका छन् ।