काठमाडौं । अमेरिकी बायुसेवा विमान नेपाल आएको छ । शुक्रवार विहान अमेरिकी बायुसेवा विमान त्रिभुवन विभानस्थलमा अवतरण गरेको विभानस्थलका एक कर्मचारीले बताए ।

युएर्स एयरफोर्सको आरसीएच १८१६ को चार्टर विमान अमेरिकाबाट वैंकक हुँदै विहान सवा ९ वजे नेपाल आएको हो । उक्त विमानले १२ क्विन्टल (३३ प्याकेज) सामाग्री बोकेर आएको र नेपालस्थित अमेरिकी अधिकारीहरुले वुझेर लगेको विमानस्थल स्रोतले बतायो ।

विमानबाट ल्याइएका सामाग्री सिधै कमलादीसिथत अमेरिकी रुाजदुतको नीजि निवासमा लगिएको छ ।

नेपाल सरकारले सो विमानमा को को आएको र के सामाग्री ल्याएको भन्ने बारेमा भने केही वताएको छैन ।

नेपालमा अमेरिकी सहयोग नियोग मिलेनियम च्यालेन्ज कर्पाेरेसन एमसीसी कम्प्याक्ट सम्झौता फागुन १५ मा ब्याख्यात्मक घोषणासहित संसदमा पारित भएपछि आफ्नै बायुसेवा विमानमा अमेरिकाले १२ क्विन्टल सामाग्री नेपाल ल्याएको यो पहिलो पटक हो ।

विमानमा १४ जना डिप्लोम्याट्स पनि आएका थिए । विमान साँढे ११ बजे फर्किसकेको छ ।