काठमाडौँ । फोर्स मोटर्स नेपालले आफ्नो नयाँ गाडी फोर्स गुर्खाको नेपाली बजारमा आजदेखि बिक्री शुरु गर्ने भएको छ । ‘नेपालका बाटोहरूलाई अन्त्यन्त उपयुक्त यस गाडीको बिक्री वितरण हामी आजदेखि गर्दै छौँ,’ आयाम इन्टरकन्टिनेन्टल प्रा. लि.का अध्यक्ष ध्रुव थापा भने ।

आयाम फोर्स मोटर्सका लागि नेपालको आधिकारिक बिक्रेता हो । ‘ग्राउण्ड अप मोडुलर आर्टिटेक्चर प्लेटफर्म’मा निर्मित यस गाडीको आकृतिले अघिल्लो पुस्ताको प्रसिद्ध जीवागनलाई प्रतिविम्बित गर्छ ।

लामो र चौडा बनावट भएको गर्खाको क्याबिन अत्यन्त फराकिलो र आरामदायी छ । यसमा चारै जना यात्रुका लागि क्याप्टेन सिटलगायत सर्वोत्कृष्ट स्पेसको व्यवस्था छ ।

मर्सिडिज निर्मित २६०० सीसी इञ्जिन जडित गुर्खा आफ्नो श्रेणीमा एक उत्कृष्ट गाडी हो । त्यस्तै, यसमा रहेको एअर इन्टेक नोर्कल र चारैवटा पांग्रामा भएको लक अन्यभन्दा विशेष प्रकारको रहेको छ ।

अटो मिडियाले यो गाडीको टेस्ट ड्राइभसम्बधि गरेको कभरेजमा गुर्खाको डिजाइन, इस्टाइल र स्पेस अरुभन्दा उकृष्ट भएको जनाएका थिए । पाँचवटा विभिन्न आकर्षक रंगहरूमा उपलब्ध गुर्खाको वारेन्टी ३ लाख किमी वा ३ वर्ष रहेको छ ।