काठमाडौँ । सानिमा बैंकले र्‍याडिसन होटल, द एभरेष्ट होटल, होटल अकामा र अलफट काठमाडौँ ठमेलसँग होटलको सेवाहरूमा छुट दिने सम्झौता गरेको छ । ग्राहकले सानिमा भिसा कार्ड र सानिमा सजिलो इबैंकिङ्ग प्रयोग गरी भुक्तानी गर्दा छुट पाउने भएको हो ।

बैंकका अनुसार र्‍याडिसन होटलमा १० प्रतिशत, द एभरेष्ट होटलमा १५ प्रतिशत, होटल अकामामा २० प्रतिशत र अलफ्ट काठमाडौँ ठमेलमा १५ प्रतिशत छुट पाउने छन् । यी होटलमा प्रदान गरिने विभिन्न सेवाहरूमा छुट उपलब्ध हुने भएको हो ।

सानिमा बैंकले देशभर १२६ वटा कार्यालय तथा ११४ वटा एटीएम सञ्चालनमा ल्याएको छ । साथै, सानिमा बैंकको डेबिट तथा क्रेडिट कार्ड प्रयोग गर्दा विभिन्न अस्पताल, सपिङ्ग आउटलेट, होटेल, रेष्टुरेन्ट आदिमा विशेष छुटको व्यवस्था रहेको छ ।