काठमाडौँ । भारतस्थित मेदान्त र द मेडिसिटि अस्पतालमा सिटिजन्स बैंकका कार्डवाहक ग्राहकलाई अस्पतालको सेवा शुल्कमा १५ प्रतिशतसम्म छुट दिने भएको छ ।

बैंक र दिल्लीस्थित मेदान्त अस्पतालमा उक्त समझदारी पत्रमा हस्ताक्षर भएको छ । यस क्रममा बैंकका तर्फबाट प्रमुख कार्यकारी अधिकृत गणेश राज पोखरेले हस्ताक्षर गरेका थिए ।

यस सहकार्यबाट भारतमा स्वास्थ्य उपचार गराउन जाने बैंकका ग्राहकलाई उपचारमा सहज सेवा प्राप्त हुने विश्वास बैंकले लिएको छ । यो सुविधा सिटिजन्स बैंकका कार्डबाहक ग्राहकले भारतको गुरगाउँ, लखनउ, राँची, इन्दौरलगायतका मेदान्त अस्पतालका सबै शाखामा पाउने छन् ।

सिटिजन्स बैंकले हाल देशभर १७४ वटा शाखा, १२५ वटा एटीएम र ९३ वटा शाखारहित बैंकिङ्ग इकाईबाट सेवा दिँदै आएको छ । बैंकले आफ्नो १५ औँ वार्षिकत्सव मनाउन विभिन्न कार्यक्रम गर्दै आएको छ । वैशाख ७ गते बैंकको वार्षिकत्सव परेको छ ।