काठमाडौँ । एएफसी एसिया कप छनोटको तेस्रो चरणको तयारीका लागि आजदेखि नेपाली राष्ट्रिय टोलीले प्रशिक्षण शुरु गर्ने भएको छ । नेपाली टोलीले आज बिहान ९ बजेदेखि १०ः३० बजेसम्म दशरथ रंगशालामा प्रशिक्षण गर्ने छ ।

छनोटको समूह ए मा रहेको नेपालसँगै जोर्डन, कुवेत र इन्डोनेसिया छन् । तीनै टोली फिफा वरीयतामा नेपालभन्दा माथि छन् । छनोटको सबै खेल कुवेतमा हुने छन् ।

यसअघि नेपाली टोलीको मुख्य प्रशिक्षक अब्दुल्लाह अलमुताइरीले छनोटका लागि २५ सदस्यीय नेपाली टोलीको घोषणा गरिसकेका छन् ।

नेपाली टोलीमा परेका खेलाडीहरू

गोलकिपर : किरणकुमार लिम्बू (कप्तान), दीप कार्की र विशाल श्रेष्ठ ।

रक्षक : अनन्त तामाङ, विकास खवास, देवेन्द्र तामाङ, दिनेश राजबंशी, गौतम श्रेष्ठ, रोहित चन्द, सुमन अर्याल र सुरजजिउ ठकुरी ।

मिडफिल्डर : आयुष घलान, मनिष डांगी, पुजन उपरकोटी, सन्तोष तामाङ, सुजल श्रेष्ठ, सुमन लामा, सुनिल बल, तेज तामाङ, एरिक विष्ट र विशाल राई ।

स्ट्राइकर : विमल घर्तिमगर, अन्जन विष्ट, दर्शन गुरुङ र नवयुग श्रेष्ठ ।